Poslovne vesti - Makedonija

За 5,2% зголемен бројот на туристи во март

Бројот на туристи во март годинава достигнал 36.290, а бројот на ноќевања изнесува 78.721. Споредено со бројот на туристи во март годинава, во однос на март лани е зголемен за 5,2%, а зголемен е и бројот на ноќевања за 7,5%.

Исто така, за 20,6% е зголемен и бројот на домашни туристи во март годинава во однос на март 2013 година, додека бројот на странски туристи е намален за 2,7%. Ова се последните анализи на Државниот завод за статистика, каде што е согледано дека има зголемување од 16% и кај бројот на ноќевања на домашните туристи во однос на март лани, а бројот на ноќевања на странски туристи е зголемен за 1,8%.

Во периодот јануари-март годинава во однос на истиот период од претходната година бројот на туристи е зголемен за 2,8% и тоа кај домашните туристи има зголемување за 6,9%, а кај странските бројот остана на исто ниво.

Во периодот јануари-март годинава во однос на истиот период од претходната година бројот на ноќевања е зголемен за 2,9% и тоа кај домашните туристи има зголемување за 3,7%, а кај странските раст од 2,3%.